ტეხასის მკვიდრი რობერტ ბლანშეტი ვერ წარმოიდგენდა, რომ როდესმე მელბურნში დასახლდებოდა, ეყოლებოდა ქალიშვილი, რომელიც თვით ინგლისის დედოფალს განასახიერებდა. ერთხელაც რობერტმა გაიცნო ჯუნი და ისინი ავსტრალიაში გადავიდნენ საცხოვრებლად. მათ სამი შვილი გაუჩნდათ. ერთ-ერთი მათგანი სწორედ ჰოლივუდის ვარსკვლავი, ქეით ბლანშეტია. ქეთრინ ელიზა ბლანშეტი 1969 წლის 14 მაისს დაიბადა. იგი ბავშვობაში მუსიკით იყო გატაცებული. ქეითი 10 წლის იყო, როდესაც მამა გულის შეტევისგან გარდაეცვალა. ჯუნი სამი ბავშვით სულ მარტო დარჩა. მალევე ქეითმა მელბურნის ქალთა სასწავლებელში ჩააბარა. იგი დრამატურგიით იყო გატაცებული და თეატრალური წრის ლიდერიც გახდა. კოლეჯის დამთავრების შემდეგ მან მელბურნის უნივერსიტეტში ჩააბარა. მალევე მას მობეზრდა სწავლა. ქეითმა გადაწყვიტა მსოფლიოს ნახვა, რომ ეპოვა თავისი თავი. თავდაპირველად იგი ინგლისში წავიდა, შემდეგ ეგვიპტეში. მან საბოლოოდ გადაწყიტა, რომ მსახიობი გამხდარიყო. ქეითი მოეწყო მელბურნის დრამატული ხელოვნების ნაციონალურ ინსტიტუტში, რომელიც ბრწყინვალედ დაამთავრა 1992 წელს. ერთხელ ბლანშეტის წარმოდგენას ცნობილი მსახიობი ჯეფრი რაში დაესწრო და ქეითმა მისი ყურადღება მიიპყრო. მსახიობმა ერთ წელს მიიღო ორი ჯილდო როლებისთვის თეატრალურ დადგმებში. ქეითი თეატრის გარდა, ასევე სერიალებშიც იღებდა მონაწილეობას. ბლანშეტი საკმაოდ წარმატებული და ცნობილი გახდა. 1996 წელს ქეითმა მონაწილეობა მიიღო კეტრინ მილარდის მოკლემეტრაჟინ ფილმში "პარკლენდზ”-ში, სადაც მსახიობმა პოუზის როლი შეასრულა. 1997 წელს მსახიობის მონაწილეობით სამი ფილმი გამოვიდა: დრამა "გზა სამოთხისკენ”, კომედია "ღმერთით, იგი ლიზის შეხვდა” და ჯილიან არმსტრონგის დრამა "ოსკარი და ლიუსინდა”. სწორედ ამის შემდეგ ქეითით დაინტერესდა შეხარ კაპური და იგი დედოფალ ელიზაბეტა I-ის როლზე დაამტკიცა. ამ როლმა მსახიობს "ოქროს გლობუსი”,BAFTA- ს პრემია მიიღო და წარდგენილი იყო "ოსკარზე”. ბლანშეტს სულ უმართლებდა პარტნიორებში: "ელიზაბეტში” იგი კვლავ შეხვდა ჯეფრი რაშს, "იდეალურ ქმარში” იგი ჯულიანა მურთან და რუპერტ ევერეტთან ერთად თამაშობდა. 2000 წელს მსახიობი მონაწილეობა სემ რაიმის პროექტში "ნიჭი”, 2001 წელს ბარი ლევინსონის კრიმინალურ კომედიაში "ბანდიტები”, სადაც ბლანშეტმა ითამაშა ბრიუს უილისთან ერთად. მალევე ქეითის ცხოვრებაში "ბეჭდების მბრძანებელის” ეპოქა დგება, სადაც მსახიობმა ელფების დედოფლის გალადრიელის როლი შეასრულა. 2003 წელს გამოვიდა ჯიმ ჯარმუშის ფილმი "ყავა და სიგარეტები”, სადაც ქეითმა ერთ-ერთ ნოველაში მსახიობის როლის შეასრულა. 2004 წელს ბლანშეტს კეთრინ ჰეპბერნის როლმა ფილმში "ავიატორი”, საკმაოდ დიდი წარმატება მოუტანა. დღესდღეობით ქეითი ერთ-ერთი ჰოლივუდის ყველაზე მოთხოვნადი მსახიობია. 2006 წელს მან ითამაშა ალეხანდრო გონსალეს ინიარიტუს ფილმში "ბაბილონი”, რომელიც კრიტიკოსებმა და მაყურებელმა საკმაოდ თბილად მიიღეს. ფილმმა "ოქროს გლობუსი” მიიღო და "ოსკარზეც” იყო წარდგენილი. მსახიობი საკმაოდ წარმატებულია ახლაც. მას სულ ახალ-ახალ პროექტებს სთავაზობენ.